Sängerfreed

Léif Sängerinnen a Sänger
Mir fänken erëm u mat prouwen
ënnert de COVID-19 Bestëmmungen
mat Mask asw.

… méi zu de Prouwen

Leider konnte mir Iech am Dezember 2020 kee Chrëschtconcert
wéi all Joer ubidden
als Trouscht hei een Extrait vun eisem
Concert vum 8 Dezember 2019

Angel’s Carol vum John Rutter gesongen zesummen mat dem estro armonico ënnert der Leedung
vum Nancy Back-Kelsen

D’Chorale gouf 1920 als Männergesangveräin ënner dem Numm „Sängerfreed“ gegrënnt, en Numm, déi se bis haut mat groussem Stolz dréit. Am Joer 1945 gouf op d’Bedreiwe vun eisem deemolegen Dirigent, dem Jos Kinzé, d’Chorale als gemëschte Chouer bei der UGDA ugemellt.

Am Joer 1953 huet d’Gemeng Beetebuerg eisem Gesangveräin fir säi kulturellt Engagement an der Gemeng den Titel: „Chorale Municipale“ zougesprach.

De Repertoire vun der Chorale begräift e grousse Spektrum vu weltleche Wierker wéi z.B. Carmina Burana vum Carl Orff. Mee den aktuelle Succès vun der Chorale kënnt gréisstendeels vun spiritueller Musek, wéi d’Kréinungsmass vum Mozart, d’Mass am sol majeur vum Schubert, de Gloria am ré majeur vum Vivaldi, déi feierlech Mass zu Eiren vun der Ste Cécile vum Gounod, la Missa in Honorem Sancti Dominici vum Michael Haydn, de Stern von Bethlehem vum Josef Rheinberger, d’Jubiläumsmass vum Michael Haydn an d’Jubelmesse vum Carl Maria von Weber. Fir des Geleeënheeten léisst d’Chorale sech begleeden vum Ensembel Estro Armonico, e lëtzebuergeschen Kammer-Orchester.

Sou sange mir all Joer am fréie Summer e weltleche Concert am Schlass zu Beetebuerg, eise „Schlassconcert“. Den 2. Adventssonndeg sange mir e Concert Spirituel an der Beetebuerger Dekanatskierch. Mir sangen awer och op Invitatioun bei verschidde spezielle Geleeënheeten Concerten zu Beetebuerg, an aneren Uertschaften am Land an am Ausland.

Zënter 1996 läit d‘Direktioun vun der Chorale an den Hänn vum Nancy Back-Kelsen. Si bréngt et fäerdeg, datt eng 75 Sängerinnen a Sänger mat Freed an der Sängerfreed sangen.

Sangen hält gesond a mécht frou.

Jun
18
Fr
Lëtzebuerger Owend am Schlass zu Beetebuerg – REPORTEE 2022 @ Schlass Beetebuerg
Jun 18 um 20:00 – 22:00

Wéinst dem COVID-19 ass dese Concert op 2022 verluet!

  Deeler aus Operetten vum Dicks opgeféiert vu Memberen aus der Chorale Municipale Sängerfreed Bettembourg Moselle Valley Brass Band mat lëtzebuerger an internationale Lidder, virgedroën mat de Sänger vun der Chorale a mam Publikum

Virverkaf: Optik Hoffmann Tel 26523898 13 route de Luxembourg L-3253 Bettembourg Entrée: 15 €

Eis Sponsoren: